Neste foredrag
Odeon-Sotra Kino på Sartor Storsenter
Tirsdag 8. september kl. 12.30
Monica Sanden, seniorforskar og forskingssjef ved Havforskingsinstituttet:
"Korleis overvaker vi miljøtilstanden i havet og trygg sjømat – og kvifor er det viktig"
Monica Sanden er utdanna biolog, har vore fast medlem av vitskapskomiteen for mat og miljø (VKM) og leier i dag ei forskingsgruppe som arbeider med overvaking av miljøtilstand og sjømattryggleik i Noreg. Gjennom forskinga si arbeider ho med korleis miljøgifter og andre forureinande stoff påverkar livet i havet – og kva dette kan bety for sjømat og menneske.
Noreg har ei av dei lengste kystlinjene i verda og er ein av dei største sjømatnasjonane. Difor er det viktig å vite korleis havet vårt har det – ikkje minst i ei tid med store klima- og miljøendringar. I foredraget vil Monica fortelje om Havforskingsinstituttet sitt arbeid på dette området. Ho vil snakke om korleis vi følgjer med på helsetilstanden i havet, kva vi leitar etter, og korleis vi undersøker om sjømaten vi et er trygg. Ho vil ta med aktuelle døme frå Vestlandet og våre eigne fjordar.